حتى وهي مبيوعة
حتى وهي مبيوعة
عندي سومها كيف الذهب في نوعه
انحب ليبيا حتى وهي مبيوعة
حتي وزاد عناها
عندي ليبيا في العين يا محلاها
عروسة جميله في دلال زهاها
اداوي القلوب الحازنة الموجوعة
صيور تفرح طال شقاها
وصيور تبقى عامره و دلوعه
وتعمر ابيد انسائها و اضناها
و يفشل العادي وينتهي مشروعة
وتبقي امينة فى برها و اجواها
والبحر يبقى في جماله روعة
أنا انحبها ما انحب من عاداها
وفي خاطري شايللها موسوعة
من الشعر هللي ذاب فيه غلاها
ما غيرها يمسح القلب ادموعة
حتى وهي مبيوعة
عندي سومها كيف الذهب في نوعه
انحب ليبيا حتى وهي مبيوعة
| بواسطة / عصفوري | ||
| مشاهدات | 94 | |
| في | 2022-03-27 03:54:12 | |
الحقوق محفوظة لـ سـآگن آلروح،
شات فنون ليبيا للجوال2025 ©