لصحاب

اهناك صاحب مده !!
وصاحب يصاحب فالرخاء والشده
وصاحب اشحالك من بعيد اتسده!!
وصاحب امغير بريق بالنيبان
وصاحب علي وجهة اتبان الصده!!
وصاحب علي وجهه الخير ايبان
وصاحب ان جا تخطر عليك الرده!!
وصاحب اتريد اتقابله حفاين

صاحب اتريد اتزوره!
وصاحب انقنك ماتريد اخطوره!!
وصاحب يزهي خاطرك بحضوره
وصاحب يخلي خاطرك مليان
وصاحب يزعل كيف تمشي شوره!!
وصاحب دواء للي يجي زعلان
وصاحب عطيب وصحبته امحظوره
امتاع وشوشه ديمة ايقول افلان
لصحاب كي انمقلهم افلان افلان
نلقاه النقص فالخامة وفالميزان