ولا تشتكي للناس

(( ولا تشتكي للناس ))

🌼🌼🌼🌼🌼🌼🌼

اضحك وفلّ حجاتك اشفيك محزون
......والذم من بعض الخلايق مديحه..

ولا تنحني للهم وتعيش مغبون
.........ترا المريح اهل العقول الصحيحة..

لاصرت صادق قالوا الناس مجنون
..........ما يمدحون الا النفوس القبيحة..

وخلك صمود بوجه الايام دندون
.........وما حرم الله اثم لا تستبيحه..

والكبر لو به فايده فاد فرعون
.........ومن ذاع سرّه بشّره بالفضيحة..

والله لو يعطون لك مال قارون
.........ما شفت نفسك بالغنى مستريحة..

انفض هموم القلب وابليس ملعون
.........وان ضاق صدرك ارض ربي فسيحه .