رسالة غرام 😅😅

رساله حب في 1940 من كاملة الى ‏مراجع .
يا غلاي المطرطش .. حتى نا مرايفة واجد .. من يوم ما سيبت هذك النجع و انا حايسة .. كل يوم قبل ما نرقد نطلع الشنّة متاعتك ونقعد نتفرج عليها .. مازالت بنّة السعي عالقة فيها نجك لي وخلاص .. تعرف هذك النهار نغسل في البطاطين احذا باتي ازحلقت التوى كراعي شوي قلت يا نعلي يا ارجوعه .. غير الحمدلله ما سمعني كان هذا كمّل علي وكسّرني .. لكن فداك يا غلا كاملة لوّلي و التالي ❤.. طمني عليك و عالحمارة متاعتك و علي جريواتك و نعجاتك و عالبقرة الخارجية متاعت عمتي ان شاء الله كلكم كويسين .. الله يربحك علي حليب المعيز اللي دزيته جاء في وقته في هالشتاء .. كل ليلة ندير منه كبّاية هذك كبرها و نقرطعها كلها ونقول في عقلي ( سلمك حلّاب عليك حجاب ) .. ايوا الله يا ارجوعة تذكر النهار اللي كبسنا فيه جدك ونحنا نحكوا ورا الباطن الشرقي .. عليك نهار قعد يلهد ورانا و انت حطيتني عالحمارة و قعدنا نجاروا وسط الزرع .. الحمدلله اللي جدك نظره بلهون كان عرفنا راهو شنقونا وسط الزريبة ... هاك شتاوة من خاطري من جوا :
( نلقى فيك دواء للعلّة .. يا ارجوعة يا عمري كلّه ) خلاص قريب نروّح يا غلاي .. رد بالك من السعي و من البقر كويس عارفتك ديما مذهوبة شيرتك ورا الكلاب و الصيد .. و خطى بناويت النجع واطي انظرك عليهن نجك لي و اجعني ما نفقدك حبيبتك كاملة ❤❤‏