ردو بااااالكم..

تخش بين الخوت راك تطلع براني
ورد بالك توعد شخص بحاجه وانت فرحان،
ورد بالك اترد على حد غالي عليك وانت زعلان،
وخوك احترمه واختك اختك يطول الزمان وتلقاها، ،
ولما تبي من حد كبير حاجة امشيلة،
ماتعيطش ماتجرحش حد وتقوله انبصر معاك راه لبصاره بنت عم الحق،
واللي يجي يقولك قالو فيك قولة، مايتكلموش قدامك لو فيك الخير.
واللي يغلط فيك متغلطش فيه لان هنا يبان فرق التربية،
وانت امشي صح تلقى الدنيا في طوعك، وماتمشيش غلط ولاتخلط بين الناس راه الدنيا بياعه، وماتقولش انا ونا خلي الناس هي الي تجبد افعالك، واللي ينصحك وسط الناس ماتخذش بنصيحته، واللي ينصحك بروحك اسمع منه وماتقطعاش .